عفوا ايها القانون...

امرأة شابه تزوجت والحمد لله
وعاشت حياة جميلة سعيده مع زوجها
اثمر هذا الزواج
باولاد وبنات
الى هنا تسير الامور بخير
يشاء القدر
ان يتوفى الزوج في حادث او مرض
كل شيء مقدر ومكتوب
لا بأس
لا تقف الحياة على احد
تكمل الارملة حياتها مع اولادها
ترعاهم
تبذل الحب لهم
ولكن هي لازالت
شابه وصغيره
يتقدم لها احدهم لزواج
وبضغوط الحياة او لضغوط نفسية
هي اضعف منها توافق
الا انها تصدم
بالقانون


يصدمها القانون قائلا
عفوا في حال زواجك
ستذهب الوصاية من اطفالك الى ام الزوج
خصوصا ان صاحبتنا تلك لا ام لها ولا اخت
وربما يستغل اهل الزوج ذلك
ويسارعون
بحكم محكمه
بان الام لا تصلح لرعاية اولادها
لانها غير متفرغه لهم
وغير مؤتمنه عليهم






الى هنا تنتهي قصة تلك الفتاة
هذا هو حال القانون المصري لدينا

يمنع ما احله الله
لا ادري ببقية الدول العربية ما هو الحال
لكن اعلم انه في دول الخليج عامة
تؤول ولاية الاطفال لوالدهم في حالة الطلاق
لكن لا اعلم حالهم لو رغبت الام في الزواج


سؤالي هو
هل يحق للقانون ان يسحب الوصاية من الام
في حال رغبة ان تعف نفسها؟؟
لما تجرم الام لو فكرت في الزواج مره اخرى في حالة الطلاق او الوفاة؟

ما هو موقف الابناء من هذا الزواج؟؟

لماذا يقف المجتمع عامة في وجه المرأة اذا ارادت الزواج مره اخرى...
في انه للرجل تفتح له ذراعيها مرحبة له بذلك؟؟؟

القانون بيفرض سحب حضانة الاطفال من الام ونقلها الى ام الزوج فى حالة وفاة الزوج وعدم وجود ام الزوجة
وذلك من اجل الحفاظ على الولاد
باعتبار ان زوج الام الجديد ربما يكون غير امين على الولاد
وخصوصا فى حالة وجود بنات

وانت نسيتي مثلا ان في حال الطلاق ان الاب مش ليه غير ان يشوف ابنه او اولاده غير ساعة واحدة في الاسبوع مش ده هو القانون المصري الي بتشتكي منه كم مرة سمعتي ان ام تركت اولادها بعد وفاة الزوج عشان تتجوز تاني عشان هى شباب
كام مرة سمعتي الام لما تتطلق بتقول ل اولادها ايه عن ابوهم يا جماعة انتو بتشوفو نفسكم وبس تفتكرو ان حقوقكم هي الي النساء حابتها ليكم لا الرجال هما الي وضعو حقوق المرأة تفتكرو ان امريكا ربه الصون والعفاف فيها حقوق مراة لا بعض الشركات بتفرض علي الموظفة عدم الزواج وان تزوجت تتطرد من العمل وهناك ايضا عندما تتزوج يقل المرتب النصف وعندما تنجب يقل النصف الي النصف كما انهم يتعرضون للاعتداء بنسبة اكبر من نسبة الاعتدائات في العالم العربي كله
حقوقكم موجودة في دينكم اعرفوها الاول وشوفو الحق والكدب واعرفي ان القانون الي انت بتقولي عليه ان
يمنع ما احله الله انك افتريتي بدون ما تعلمي انه محرم او محلل لان كلامك هتتحسبي عليه احرصي من التاكد وبعدين اكتبي وابقي اتفرجي علي الجزيرة الوثائقية واعرفي ان الراجل حقوقي خدتها المرأة وابقي شوفي قانون الخلع هل هو عام علي كل النساء ولا لا وشوفي الشاب الي متجوزين بقالهم اسبوع ومرفوع عليهم قاضيا طلاق وبيضيع عليهم شقي عمرهم
وبعد ده كله ابققي قولي المراة مظلومه والراجل مش مظلوم

اولا مرسية لمرورك
وانا هتجنب المناقشة الحادة اللى حضرتك بتتكلم بيها
انا مقلتش ان المرأه مظلومة ولا الراجل مظلوم
ولا العكس
انا كتبت موقف موجود زى ما حضرتك كتبت عن اللى المواقف اللى ذكرتها
ودى باردوا موجودة وانا مقلتش غير كده
ده حاله وحبيت اناقشها
وانا عارفه ان الكلام اللى بقوله او بكتبه هتحاسب عليه
وانا لا حلللت ولا حرمت
ولا افتريت على حد
ده حاله موجودة فى مجتمعنا
والحمدلله انا عارفة حقوقى ف دينى
ومرسية لمرورك مرة تانية

على فكره هو سحب الابناء عموما حفاظا عليهم
بس حسب اهل الزوج الله يرحمه
لو كانوا حاسين ان الاولاد حيعيشوا مبسوطين خلاص
بس لو حاسين ان الاولاد مش مبسوطين وحقهم
بس دول صلبهم ولحمهم ودمهم من حقهم يقرروا يعيشوا حياتهم ازاى

كلامك صح
ومرسية لمرورك سيكا

المهم تكونى اقتنعتى
القانون مش وحش بس احنا نفكر صح

انا من رأيى ياجماعة أن القانون على حق يعنى انتى مثلا متعرفيش زوج الام ده شكله ايه ربما يكون شخص مش محترم وهيتعامل مع الاولاد بطريقة مش كويسه يبقى فى الحالة دى طبعا الافضل انهم يعيشوا مع جدهم ولكن ممكن يحصل العكس ويكون زوج الام ده شخصيه محترمه وهيعامل الاولاد زى اولاده وفى الحاله دى انا شايفه ان ممكن يكون فى حل وسط وهو ان الاولاد يفضلوا مع الام مثلا قول مده شهر من الزواج لحد ما يعرفوا شخصية زوج الام كويس وبعد كده نترك ليهم القرار . يعنى نحاول نرضى جميع الاطراف . وأسفه للاطاله

مرسية يويا على مرورك

كلامك جميل
بس الشخصيه من الصعب انك تضعيها تحت التجربه
وبكده مش ممكنم تتعرفى على شخصيه زوج الام من خلال المتابعه
بس انا شايف انها لو محتاجه ولادها معاها ممكن مش تتجوز
يعنى هم اللى اتجوزوا خدوا ايه

واللهى ده حل مناسب هو فى أحسن من الأم اللى تضحى بسعادتها الشخصيه علشان تربى أولادها . حقيقى ساعتها هتكون ام مثاليه بجد .

بيحصل بس حالات قليله ومينفعش الام تحط نفسها واولادها موضع اختبارات

يا جماعة ده حاجات نصيب ف الاول والاخر
وف ناس مش بتعرف تعيش لوحدها
لازم يكون معاها ايد تساعدها
ف حالات منها بيكون الزوج كويس واحيانا لا
وبعدين اانا معاكم ان الاحسن انها تعيش لولادها
بس ف ااحيانا عائلات لازم يكون ف راجل ف البيت
يعنى ف ده وده
ومرسيـــــــــــــــــــــــة لمرورك
منورين التوبيك