بقول بالتلاتة بحبك يا مصر

بَحِبِّكْ يا مصرْ ..






وبعشقْ ترابكْ .






وألِفْ المداينْ ..






وأرْجعْ لبابِكْ .






وأحِسْ بكيانى ..






وكرامتى فْ رحابِكْ .






يقولوا فقيره ..






يقولوا أسيره ..






بشوفِكْ أميره ..






وأحبِّكْ يا مصرْ .








بحبِّكْ ملايه .. ومنديلْ بِقُويا .






مقالبْ من أختى .. وغتَاته مْنْ أخويا .






ودعوه مِنْ أمى .. تنسينى همِّى ..






وحِكْمَه مْنْ أبويا.






وأحبِّكْ صبيِّه .. على البحرْ جايَّه ..






فى ساعةْ عصَارى .






ونسمه قُبَالْها .. تطيَّرْ فى شالْها ..






تبَيِّنْ جمالها .. وتِرجعْ تدارى .






وأحبِّكْ مراكبْ .. تعدِّى إللِّى راكبْ ..






لبرْ الأمانْ .






يدوبْ جوَّا نيلكْ .. ويعطشْ يجيلكْ ..






يقوللِّكْ كمانْ .








وأقابلِكْ ببُوسه .. فى زفِّةْ عروسه ..






ولَمَّه فى بيتنا ..






مع ولادْ حارتْنا ..






تدُقْ المزاهرْ .. ترُدْ المزامرْ ..






تزَغْردْ جارتْنا .






نهلِّلْ .. نغنى ..






وحلمْ التمنِّى ..






ينورْ ليليتنا .






وأحبِّك زياره لبيتْ عمْ سيدْ ..






ده أصله فقير مِشْ حيقْدرْ يعَيِّدْ ..






نعَيِّدْ عليه .. نفرَّحْ عنِيهْ ..






ويدعيلْنا دعوه بمليونْ جنيه .








فى أرضِكْ يحِسْ الغريبْ إنُّه مصرى ..






وإحنا الأجانبْ .






ويلْقَى الرعايهْ .. ويلْقَى الحمايهْ ..






على كلْ جانبْ .






ويمشى ف ربوعِكْ .. ويشبعْ بجوعِكْ ..






ويعملْ مصايبْ .






ويرحلْ وينسى .. جِميلِكْ ويقْسَى ..






ويطْلَعْ يعايبْ .






ويرْجعْ تسامْحى .. يا ساكنه فْ ملامحى ..






يا سِتْ الحبايبْ .





ولادِكْ بَنُوكى .. بروحْهُمْ فَدُوكى ..






ويِشْهدْ عليهمْ ترابكْ فى سينا .






ومنهُمْ با عوكى .. عشانْ الشِيروكِى ..






وفيللَّا فْ مارينا .






يعيشوا فى خيرِكْ .. ويدُّوهْ لغيركْ ..






ولادْ اللَّذِينا .






ولوْ جارْ زمانْهمْ .. يعودُوا لْمكانهمْ ..






يلاقوا السَكينَهْ .






وتِنْسِى جحودْهمْ .. وتبكى عليهمْ ..






عنيكى الحزينهْ .








فى أرضكْ سرَحْتْ .. فشَلْتْ ونَجَحْتْ ..






وعشْتْ بْبساطَهْ .






صاحِبتْ الحمَامْ .. ونِمْتْ فْ سلامْ ..






ولوَْ عَ البلاطهْ .






تِغَيَّرْ فى شَكلى ..همومى ومشَاكْلى ..






لكِنْ روحى لأْ .






أعَبَّرْ بغنْوهْ .. وأقولْ نُكتهْ حلوهْ ..






لكِنْ يأسْ لأْ .






ما طيقْشْ الغَتاتهْ ..






وقلبى المسالمْ ما يعرفْ شّماتهْ ..






وأقولْ بالتلاتهْ ..




بحبِّكْ .. بحبِّكْ .. بحبِّكْ .. يا مصرْ

تسلمى جست على الموضوع الجميل دة

مرسية ليكى سوما
ومرسية ليك نغم قلبى

احنا ليه بنحب مصر

بنحب مصر لانها بلدنا
هو انت مش مصرى ولا اية

بنحب مصر الاننا لو لفينا ودورنا فى اى بلد ثانية
مش هاتلاقى شعب ذى الشعب المصرى
شعب بيحب بعضة بجد
دة بالاضافة ان مصر ام الدنيا وكمان مصر دة بلدنا
لو لم اكن مصرية لودت ان اكون مصرية

gamila awy
bas 7a2e2y medta3'raba el wtanya ely zahret fag2a de aked 7aga tfre7 ya3ny
atmana nb2a mtgam3en fe kol 7aga mosh bas kora la2 ngeeeeb egwaaaaan fe kol el mgalat

مرسية لمرورك سيكا
واكيد عرفت الاجابة
ومرسية مره تانية لسوما ونغم قلبى
ومستكه مرسية لردك وفعلا كلامك صح
منورين التوبيك

الأوله بلدىــــــــــــــــــــــــــــــــــــــــ حب فى قلوبنا أتزرع



والتانيه بلدىـــــــــــــــــــــــــــــــــــــــ رجالة ميعرفوش الدلع



والتالته بلدىــــــــــــــــــــــــــــــــــــــــــــخوفو وخفرع ومنقرع





والرابعه بلدىـــــــــــــــــــــــــــــــــــــــــــــــــبحبك رغم كل اللى أتزرع



موضوع جامد وتسلم الأيادى

مرسية لمرورك مصرى
ونورت التوبيك

والفيوم كلها منورة بيك
ومرسية لمرورك

كنت اتمني تبقي امي تبقي الخير والنور والعظمه
كنت اتمني اشوفك اختي تشيلي همومي تزيحي تعبي
كنت اتمني تكوني مراتي تخلي حياتي سعاده وخير

eiiih el 7lawa de bgaad gaaaamel