عـــــــارف انت مــــــــين

[center]عـــــــارف كويس أنت مـــين....

أنت اللى شوفتك من سنين

واقف على شط الأمانى تنتظر
......

اخـــبارك ايـــه؟؟

لســاك بــيــملاك الحــنـيـن؟؟

لســاك بـتـهـرب مـن البـشـر؟!

لســاك بـتـنـدة للى فــات

لســه السـكـات بـيـونـسـك

وبـيـحـبـسك فى الذكريـأت؟!

مــا تـقـولـى طـب اخـرتـها ايـه؟

قـلقـان عــليــك.....

ولـحـد أمـتـى العـمـر هـايـضـيـع مـن ايـديـك؟!

وأخـدت ايـه مـن الانـتـظار؟

عـدى النـهار قـدام عـيـنـيك ولسـه مستنى النهار

طب يرضى مين حالك كده؟

بتقول رضا....

حلو الرضا لو كنت راضى بالنصيب

لكن تغيب والحلم ينده لك وما تردش ندا!!!

بتقول مأجل بسمتك يمكن تفيد وقت اللقا

ماعرفش ليه حاسس كلامك تريقة؟؟

سبت السنين متعلقة على المشنقة

علشان سراب عشق الغياب وكأن عمرك بعزقة

صحصح بقا...صحصح وفوق

مستنى مين عشان ينورلك طريقك من سنين؟؟

وانت اللى لو بصيت لفوق

هتشوف فوقيك الشمس طالعة مشقشقة
[/center]

روووووووعه جدا

مش عارف اقول ايه
غير ان احسن حاجه فيكى انك بتقولى حقيقة
بس مين اللى يعترف انه كده حتى لو لنفسه
بس موضوع جامد
شكرا على مجهودك

ولحد امتى الدنيا حتفضل كده الكل بيتغير واحنا مش حنتغير

مرسية يا جميل على مرورك


ومرسية ياسيكا على زوقك
بس زى مافى ناس صادقة فى ناس مش صادقة مع نفسها باردوا
لاننااحيانا بنتوه كتير فى الدنيا من مشاغل واحداث سريعة فى منا اللى بيقدر يلحق نفسة
وفى العكس


ومرسية طبعا ياجبالى على مرورك
اكيد نورت التوبيك
بس مش هيه ده الدنيا لاننا اللى بأدينا للاسف اخترنا انها تبقى كده
ممكن مش تكون انت بس غيرك قبل انها تبقى كده
ولكن الامل دايما موجود
مش لازم نتغير المهم نفهم التغيير اللى عايزين نعمله هوه ايه
الاهم انك تكون مرن فى حياتك .....لان الدنيا مهما كانت مش بتستنا حد

ومرسية لمروركم جميعا

مرسية ليك

ماشى بس المفروض ننصح اللى ملحقش نفسه

اكيد ان شاء الله الدنياو الناس تبقى كويسة لاننا بالفعل ابتدينا نتغير
برغم المصايب اللى بتحصل فى ناس بدأت بالفعل تتغير لان كلنا مخلوقين وفينا بذرة صالحة بس احنا بمشاكل الدنيا ولهوها احيانا بتكبر بذرة الشر اكتر
بس هقول باردوا الناس بدأت تتغير وزى مافى الوحش فى الكويس

وياسيكا مش بالنصيحة بس الناس تتغير لا بالافعال كمان احنا لما بنثبت ان الحاجه ده صح محدش بيقدر يعارضك يعنى مش بالنصيحو والكلام وبس لازم نعمل حاجه
واولها المنتدى اللى احنا فيه بداية التغيير من هنا وهتكمل ان شاء الله من هنا

كلام جميل قوى
بس انا شايف ان اللى بيدخل المنتدى عدد بسيط جدا ليه ميكنش فى انتماء للمنتدى مش مجرد تسجيل وخلاص
كمان كل واحد بيكون ماشى فى طريقه مش واخد باله بكل الى حواليه عشان كده بنقول النصيحه
لان كل واحد جوه الدايرة مستحيل يشوفها كلها