لا دا من اخواتهن بنات حواء التانين
في مره كده كنت عند الدكتورمع ابن اختى الصغير
المهم الممرضه مشغله التلفزيون على روتانا سينما مش هتقدر تدخل الجنه
فا ايه يجيبوا نشره الاخبار الفنيه طبعا وايه يجبوا لقاء مع المبدعه دوللي شاهين عن فيلمها الجديد ويجا وايه بيسالوها على اللقطات الي في الفيلم الي مش عاجبه الناس المتخلفه
تقوم المبدعه تقول ايه
انه مين قال ان اللبس هو الي بحدد طهاره البنت او العكس الموضوع ملوش دعوى باللبس خالص مالص
يعني انا ممكن اطلع بمايوه طالما بيخدم السياق الفني وابقى احسن مليون مره الي من الي بتلبس ومكلكعه الدنيا كده ومش عارفه ايه دا
وكمان مين الي قال ان البوسه حاجه مش كويسه البوسه دي بتدل على طهاره البنت
هنا بقه كنت قاعد في نص هدومي كان فيه اولياء امور مع ولادهم فمكنش منظر بصراحه ويا ارض انشقي وابلعيني طب اعمل نفسي مش واخد بالي ولا اقوم امشي ولا اعمل ايه بالزبط
دي مبدعه
مبدعه تانيه معيده في احدى الكليات بتكلم طلبتها عن الصعوبات الي بتواجهها المراه المصريه في حياتها والبهدله الي شايفاها يحبه عيني
ال ايه ازاي الست المصريه الغلبانه اما بتروح النادي مش بتلاقي وقت تعمل اي حاجه لانها بتجري ورا ابنها دا وبتشوف بنتها دي ومش ملاحقه على الواد ولا البنت
وهنا اطالب انا مش المعيده بتوفير عدد اتنين فلبينيه لكل مراه مصريه واحده للعيال وواحده تجهز العشا على ما المدام ترجع من النادي
حديث تاني عن المايوه قطع سنينه
احدى عضوات لجنه التحكيم في miss egyptسنه من السنين بتقول ال ايه انا مستغربه الي بعترضوا على لبس البنات للمايوه في المسابقه لان لبس البنت للمايوه حاجه مبتعبهاش بالعكس دي حاجه تدل على اصاله وعراقه اسره البنت
واحدى امهات البناتيت المشتركين في المسابقه بتقولها قبل ما تطلع على الستيج ياحبيبتي متنسيش تقري سوره الفاتحه ربنا يوفقك ويكرمك يا ضنايا
وهنا با اطالب انا بردو بتوفير مايوه لكل مراه مصريه ويكون شرعي لو سمحت
على فكره المايوه الشرعي دا مش نازلي من زور حد بالعه هنا يجماعه
مبدعه وكاتبه وصحفيه وبتاعة بنتنجان
بتكرر البنت المصريه مش لازم تتجوز ولو حصل ميبقاش لجوزها وولادهااي لازمه في حياتها ويكون شغلها ومستقبلها هو الاهم
وعن نفسها بتقول انا تزوجت القلم
والفرح كان كان في دار الكتب
وتطلع لنا مبدعه تانيه كمان تقول ان زي ما الست بتقعد 9 شهور حامل جوزها الموقر مطالب بانه يقعد 9 شهور بعد الولاده بالنونو
عشان تحقق المساوه في المجتتمع
مش اما الرجاله تبقى تاخد حقها الاول
ومبدعه رابعه وخامسه ومصر بقت كلها مبدعات يولاد
طب يعني هي مصر كلها خلصت وستاتها وبناتها معدش فاضل عندهم غير اروح النادي ازاي
البس مايوه ولا لا دا اذا كانت بتروح مصيف اساسا كل 15 سنه ولا حاجه
هل ياترى الناس دي مش عايشين في مصر ولا بيستعبطوا ولا بيحرقوا دمنا
خلاص مبقاش ورا البنات غير الميكب ووالمنيكير والبديكير وطرق تخسيس الوزن
وازاي تلفي الطرحه اسبانش وتعملي كحكه كبير برجاء وضه قطعه من الاسفنج مكان الكحكه بتبتاع في المحلات المختصه
يعني البنت المصريه دلوقتي بتقول يا تعليم ومصاريفه ودروسه وبهدلته عشان توفر لنفسها فرصه احسن وبعدها بتقول يا جواز ولو لقت بتبقى مصيبه الجهاز والفرح والعريس الي مبيشتغلش ومش لاقي ياكل
واما تتجوز العيال ومصاريفهم وجوزها والبيت والشغل ان كانت بتشتغل
مش معقوله بعد دا كله ان فكرت تقعد على الكنبه وتفتح التلفزيون تطلعلها مبدعه تقولها الكلمتين دول عشان يموتوا البت ناقصه عمر
وهنا اطالب بالقضاء على كل مبدعه وتخليص الامه المصريه والعربيه من خطر المبدعات على الوطن