أيه رأيك فى الحب؟؟؟؟؟

بسم الله الرحمن الرحيم
السلام عليكم ورحمة الله وبركاته
ازيكم يا احلى شباب وبنات المنتدى
ويارب تكونوا كلكم بخير
الموضوع عن الحب
بدون رغى كتير
عايزه اعرف كل واحد فيكم
الحب فى حياته
بيمثله ايه
ورايك ايه فى الحب
وتتمنى يكون ازاى
وممكن حياتك تتأثر بالحب ولا لا؟؟
ياله هستنى ردودكم
وطبعا مش هقولقوا رايى عشان متعلقوش على راى وتنسوا الموضوع

على فكره الناس كلها بتحب بمختلف انواعه
بس المشكله ايه هو الحب ؟
الحب انك تتعلق بحد لدرجة انك مش عاوز تبعد عنه
الحب انك نكون عاوز اللى بتحبه يكون سعيد وتحاول تسعده مش تحبه عشان تاخد منه حاجه
الحب انك تحس باللى تحبه لو مخنوق اول ما تشوفه تعرف من غير مايقولك
الحب احساس وشعور يعنى مش تزعل من اللى بتحبه لان الى بيحب مش بيزعل من حبيبه
الحب كلمه صعب انك تقولها وسهل انك تحسها
الحب انك تكون فرحان دايما وعاوز الكل يكون فرحان زيك
معانى كتير للحب
بس انت حاول تحب وتحب بجد
واختار صح ومش حتزعل
اما ان حياتى تتاثر بالحب فده اكيد
اولا حبعد عن كل حاجه تزعل اللى بحبه
حبدا ادور على نفسى عشان اسعد اللى بحبه
مش حتخلى عن حبيبى وحواجه كل المشاكل اللى تقابلنا
وعن نفسى لما حبيت الناس اللى تعرفنى عارفه انا حصلى ايه ولما حصل مشكله عملت ايه والنهايه كانت ايه

الحواار ده عااااوز مخمخه وكلام كتتتتير بصرااااااحه

يعنى هل الحب من وجهة نظرك انت الكلام ده
ولا ده اللى المفروض يكون هوه ده الحب
وعايزه اعرف الحب بالنسبالك انت ايه
وعايزه يكون ازاى
عشان تكون راضى ومبسوط وتقول
اه فعلا ما احلى الحب
ياريت توضح اكتر
ويا مستكه مخمخى براحتك
وهستنى ردك

انا بالنسبالى هو ده الحب او هو ده احساس الحب بالنسبالى
كمان انا مش فاهم الاسئله دى
ممكن تو ضحى اكتر

ياسلام علكي يا سوما وانتي بتقولي اللي يقدرة

الحب اجمل شئ بس لو باخلاص

لا وجود لمن لايحب

لا على فكره اللى مش بيحب ليه وجود بس مش مع ناس بتحب
ومش كل الناس بتحب عشان كده هو ليه وجود
بس اكتر واحد جرب الاحساس ده وبجد هو
.........طبعا احنا عارفينه بس هو كان حاسس ان مش فى حد بيحبه
بس انا والله كنت بحبه ومش بكرهه وياريت يكون شايف الكلام ده وانا بعيد عنه
ومش بجامله لان مفيش اى حاجه تخلينى اجامله
او انا مش بجامل ذى ماانتوا عارفين
بس والله انا فرحت انه خد الجايزه فى المعسكر ومن قلبى كمان

جميل
ويارب يكون فعلا يكون شايف كلامك ده
ومصرى فى ناس مش بتحب الحب
بس فى ناس متعودة على ناس فى حياتها
حاجه اساسيه وبالتعود بيكون حب
ولكن الحب كعلاقة لا فى ناس كتير مش بتحب
واكيد فهمت قصدى

احنا بنتكلم عن تعليق سيكا
وبعدين فين رأيك فى الحب
انا مستنياه وياريت كمان لو تجوبى على الاسئله

جميا فعلا اننا نعبش الحب الحقيقى
مرسيه لردك

الحب الحقيقى بيعيش ياحبييى
المهم
عارفين اللى بيحب بيعمل المستحيل عشان يخلى كل اللى حوليه يدوقوا حلاوة الحب هم كمان

اكيد ما هو داء احلى حاجه فى الحياه
انا رائى فى الحب-
هوه رحلة فى عالم التألف والتفاهم
انه كل الحياه
فأينما وجدت الروح وجد الحب
واذا مات الحب ماتت الانسانيه التى تؤدى الى موت البشرية
فالحب موجود بين علاقة الانسان بربه
وبين انسان وزوجته او زوجها وبين الاهل والاخوات وبين الحبيب والحبيبه
وفى كل علاقة انسانية
-بيمثلى الحب فى حياتى
كل حاجه
-بتنمى يكون ازاى
بتمنى انه يكون حب نقى
تغلفه الصراحه والتفاهم والثقه المتبادلة بين الطرفين
اضافة الى الاخلاص والوفاء
والاهم
اللى المفروض انه ميغبش عنا خالص
ان الله يراقبنا فى السر والعلانيه
وان الحبيب امانة فى رقبة حبيبه وانه امانة فى رقبتك
-ممكن حياتى تتأثر بالحب ولا لا
اه حياتى بتتأثر جدا بالحب
فالحب نحن من نقرر اى حب نريد ان نعيش وليس علينا
ان نتسرع لكى نشعر به فقط
هو سيأتى وعندما يأتى يجب الا نضيعه لانه من الصعب
ان نجده مره اخرى

كلامك جميل
بس اعتقد ان الحب مش كل حاجه فى الدنيا
لان ربنا ادانا عقل نفكر ولو الحب كل حاجه كان العقل اتلغى

تسمحلى اختلف معاك
وانا عارفة ان مش انت بس اللى ممكن تعارضنى
بس الحب هوه كل حاجه فى الدنيا
بس مش الحب اللى بنعيشه لان ده تحت مسمى الحب وليس حبا
والعقل هو القلب
وبيبقى صعب انك تفرق الاتنين فى قرار
ممكن واحد يغلب على التانى
بس صعب ميكونش الاتنين متواجدين
انت لما بتحب انسان بتعيشله كل حياتك
ولما بتحب شغلك بتديله من كل قلبك عشان يكون احسن
ولما بتحب اهلك بتخاف على مشاعرهم وبتحاول تعمل حاجات ترضيهم
وغيرها من حاجات بنعيشها
ممكن ميكونش اساسها الحب لان فى حاجات بتتفرض علينا
بس لو محبتهاش مش هتنجح فيها او فى الغالب بيكون كده

بس ممكن اقولك ان
او انتى بتحبى حد ممكن تفكرى فيه بعقلك ويكون الاختيار غلط
ولا كلامى مش صح

ممكن افكر فى بعقلى ويطلع غلط
وممكن كمان افكر فيه بقلبى ويطلع غلط
لازم يكون فى نسبه متوازنه مابين الاتنين
المشاعر والقرارت
وارجع واقولك تانى الاتنين مبيتفصلوش عن بعض
بس ممكن انت بتاخد قرار على البيئة المحيطة حواليك
او بيكون قرار ممكن تيجى فيه على مشاعرك
وده احنا بنقول عليه قرار عقلانى
وقرار بتاخده بناء على مشاعرك
وده بنقول عليه قرار عاطفى
ومن الناحية العلمية لما قرارك بيكون غالب عليه العاطفة بيكون القرار غلط
فى كلا الحالتين لما بينفردوا بيبقى القرار غلط
فلازم يكون فى نسبة متوازنة مابين الاتنين

السوال الذي اريد انا شخصيا له اجابة
قبل ان نعرف ما راينا في الحب اريد ان اعرف شيئا
ماهو الحب ؟؟؟؟؟؟؟؟؟؟؟؟؟؟؟

الحب هو كل حاجه حلوه فى حياتك

الحب

انها ليست كلمة تقال في كل مرة التقينا

ليست كلمة تقال في كل مرة تحادثنا

ليست شعور يبدأ لفترة و ينتهي بعد ذلك بالنسيان

و ليست نظرة شفافة تمثل عند الحاجة

و ليست حضن دافئ عند البكاء و الحزن

فالحب هي النظرة الحنونة في كل وقت و في كل مكان

تلك النظرة التي تبقى في مخيلتنا تتسم بالحنان و المودة و الدفء

و هي تلك الأحاسيس التي تولد فينا عند لقاءنا و لا تنتهي و لا تعرف كيف تنتهي

بل انها تستمد طاقتها من قلوبنا

و تكبر و تكبر لدرجة العشق ثم الجنون

الحب

هو ذلك الحضن الدافئ في الليالي الباردة

و الليالي الحزينة و الفرحة

هو ذلك الحضن الموجود في كل مكان و كل وقت و كل زمان

لا يختفي باختفائك انت

بل يبقى موجودا باختفائك

أهي كلمة تقال

لا بل هي أسمى من أن تقال أو توصف


دى كلماات قرتها ف مره بتلخص ردى

لا يوجد حب

متهيقلى صعب اوى انك تقول مفيش حب