كلمة موتتني
كلمة طلعت معاها روحي من جسمي
بـــــاي بـــــاي
يعني ايه؟
أول مره ما افهمش معناها
مش عارف كنت باحلم ساعتها ولا ايه
كنت حاطط عليكي امل كبير
كنت حاسس ان احنا لبعض
وفجأة غاب عنك الضمير
رميتي هوانا في الارض
بقى دي اخرتها
يا ترى دي النهاية
اسئلة كتير ما لقيت اجابتها
داير تايه حاير في سمايه
حسيت بخنجرك في صدري
لأول مرة باحس الاحساس ده
يااااااااااااااااااااااااااااااااااااااااااااه
بقى اول واحده احبها
يطلع منها كل ده
حسيت اني ماشي في جبل
مليان خضرة وجمال
ووقعت من فوقه على وادي
مليان كذب ومحال
كل اللي كنت باتمناه ساعتها
اني اموت وارتاح من الدنيا
كنت عبيط
كنت عيل صغير
كنت باموت من نظرة في ثانية
كان حبك بالنسبة لي
عالم تاني وحاجه تانيه
فهمت منه معنى كلمة " أفلاطوني"
وفهمت يعني ايه حب
وفهمت يعني ايه غدر
دلوقت عمري ما اقدر العب بحد
عشان عرفت يعني ايه الجرح
يعني خنجر مسموم بيندس بين الضلوع
يعني الم كبير يتسع ويتمد
اااااااااااااااااااااااااااااااااااااااااااااااااا ااااه
المره دي باقولها بجد
أول مره احب
واول مرة اتجرح
واول مره وداني تتشد
أول مرة اسهر الليالي
اول مره اسرح بخيالي
أول مره اسمع كل كلام حد
********************
وعدت الايام
ومرت زي السهم
وانا بانسى شويه شويه
كشفت حبك المزيف
واكتشفت الوهم
والي كان رابطني بيكي
شيء مالوش وجود
واللي بيني وبينك
بحر من الهم
والحب اللي كنت باحبه
اتقلب لرغبة في البعد
ماتقوليش هانرجع
ولا هايحن الدم
أنا غيرت دمي
انا بعترت همي
اللي كان ما بيتلم
أنا كنت في مصيبة
أنا كنت في كابوس
ما تقوليليش ده حلم
لازم اصحى وافوق
لازم ابص لفوق
وعالماضي اردم
**********************
سافرت انا وبعدت
وقلبي خلاص قسي
مع ان جرحك ليه
لا يمكن يتنسي
لا يمكن انسى كدبك
لا يمكن انسى سمك
لا يمكن انسى جرحك
ده حبك مدرسة
********************
نويت انسى حزني
نويت انسى جرحي
وما افتكر غير فرحي
ومستقبلي الجاي
خلاص بقى سبتك
خلاص نسيت سمك
ما تقوليليش ازاي
نسيت كل الحزن
نسيت كل الغدر
ونسيت قولة اي
***********