من طرف marow 30/03/09, 09:52 am
بسم الله الرحمن الرحيم
ولا تدري نفس ماذا تكسب غدا ولا تدري نفس بأي أرض تموت
إنا لله وإنا إليه راجعون
الله يرحمك يا كريم ويتغمدك برحمته ويغفر خطاياك ويستبدل سيئاتك بحسنات ، كنت إنسان قمة في الرجولة والشهامة وعمر ما حد احتاجك واتاخرت عنه أبدا مش ح أنسى ليك وقفتك معايا في حاجات كتير وقفة نادرا ما تتوجد إلا بين الاخوات وبعضهم ، يا جماعة ( كريم ) أنسان عاش ومات وهو بيحب الخير للكل ، عمري ما ح أنسى يوم ما جالي وقاللي عايز أبقى معاك في الأسرة اتعلم علشان ناوي أعمل أسرة السنة اللي جاية وعمري ما ح إنسى ضحكته الرقيقة الصافية ولا خوفه على أصحابه ولا سعيه ورا كل حاجة جميلة ممكن تفرح أي حد من أصدقائه ، عاش معتبرنا أخواته وده وقتنا نرد له الجميل .
أرجوكم
كل واحد فيكم لو يستطيع يقدم له أي شيء فليفعله ولا يتردد
أنا عن نفسي إن شاء الله ح أعمله عمرة النهاردة و ح أحول أختم القرآن على روحه الطيبة الطاهرة
كريم كان يستحق كل خير فرجاء لا تخذلوه .
الله يرحمك يا كريم ويثبتك عند السؤال ويوسع قبرك ويجعله روضه من رياض الجنة
آمين يا رب العالمين [center]